ಬೆಂಗಳೂರು, 11- ಕಾಸಗೀ ಅನುದಾನಿತ ಶಾಲೆಗಳಲ್ಲಿ ಸೇವೆ ಸಲ್ಲಿಸುವಾಗಲೆ ಅಕಸ್ಮಿಕವಾಗಿ ಉದ್ಯೌಗಿಗಳ ಸಾವು ಸಂಭವಿಸಿದರೆ ಅನುಕಂಪದ ಆಧಾರದ ಮೇಲೆ  ಆ ಕುಟುಂಬದ ಸದಸ್ಯರೊಬ್ಬರಿಗೆ ನೇಮಕಾತಿ ನೀಡಲು ಮಾರ್ಗವನ್ನು ಸರಳಗೊಳಿಸಲಾಗಿದೆ ಎಂದು ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ  ಕಾಗೇರಿ  ಹೇಳಿದ್ದರು.

          ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಆ ಸಂಸ್ಥೆಯ ಶಾಲೆಗಳಲ್ಲಿ ನೇಮಕಾತಿ ಕೊಡಲು ಯಾವುದೇ  ಹುದ್ದೆಗಳು ತೆರವಾಗಿರದಿದ್ದರೆ ಅದೇ ರೀತಿಯ ಬೇರೆ ಸಂಸ್ಥೆಗಳ ಶಾಲೆಗಳಲ್ಲಿ ನೇಮಕಾತಿ ಮಾಡಲು ಅವಕಾಶವನ್ನು ಕಲ್ಪಿಸಲಾಗಿದೆ ಎಂದು ಅವರು ಹೇಳಿದರು.

          ಇದು ವರೆಗೆ ಈ ವ್ಯವಸ್ಥೆ ಇಲ್ಲದ್ದರಿಂದ ಅನುಕಂಪದ ಆಧಾರದ ಮೇಲೆ ನೇಮಕಾತಿ ನೀಡಲು  ತೊಂದರೆಯಾಗುತ್ತಿತ್ತು. ಈಗ ಆ ತೊಡಕನ್ನು ನಿವಾರಿಸಿ ಅನುಕಂಪದ ಆಧಾರದ ಮೇಲೆ ನೇಮಕಾತಿ ಮಾಡಲು ಅವಕಾಶ ವನ್ನು ಕಲ್ಪಿಸಿ ಕೊಡಲಾಗಿದೆ.  ಎಂದು ಅವರು ಸ್ಪಷ್ಟ ಪಡಿಸಿದರು. ಇದರಿಂದ ಈ ರೀತಿಯ ಅರ್ಜಿಗಳು ಬೇಗ ಇತ್ಯರ್ಥವಾಗಲು ಸಾಧ್ಯವಾಗುತ್ತದೆ ಎಂದು ಸಚಿವರು ಹೇಳಿದರು.

Tags | ನೇಮಕಾತಿ, ವಿಶ್ವೇಶ್ವರ ಹೆಗಡೆ